ខ្ញុំបានថតវីដេអូនេះនៅពេលព្រឹកមួយនៅថ្ញៃចូលរៀន តំបូងបន្ទាប់ពីមានវិសម្មកាលមួយរយៈ
នៅសាលាមក។ ព្រឹកនេះត្រូវចូលរៀននៅម៉ោង៩ព្រឹក ឥឡូវម៉ោង៨ទៅហើយនៅមិនទាន់ភ្ញាក់។
នេះទីភ្ញាក់ងារពិសេសរបស់ម៉ាក់ដែលបានបញ្ជូនមក។ មកដល់ហើយតាមមកដាស់ចាប់ទាញដៃចុះ
ទៅក្រោមទៅតាមការបង្គាប់របស់សាលក្រមយាយ! មួយនេះបើបានមកដាស់ហើយ បើខ្ញុំមិនខ្ចីងើប
ច្បាស់ជារងទុក្ខធំហើយ! 
សូមជំរាបថាសាលារបស់ខ្ញុំនៅភ្នំពេញថ្មី រួចផ្ទះនេះនៅ តាខ្មៅ។ យ៉ាងហោចណាស់មុនទៅសាលា
ក៏ត្រូវញ៉ាំអាហារពេលព្រឹកដែលម៉ាក់ទុកឲ្យដែរ! (អាហារពេលព្រឹកថ្ញៃនេះពិសេសជាងសព្វដងគឺមីយើង)
6 វិចារ | 
អំពីខ្ញុំ | 
តំណភ្ជាប់អចិន្ត្រៃ
បានដាក់ប្រកាស ដោយ RAsmey
នៅពេលថ្ងៃ
លូនៅពេលយប់
សូមនាំគ្នាជួយពិចារណា!
ព្រឹត្តិការណ៍នេះកើតឡើងនៅព្រឹកថ្ងៃទី១៣ ខែឧសភា ឆ្នាំ២០០៩ វេលាម៉ោង ០០” ៣០នាទី។
9 វិចារ | 
ព័ត៌មានថ្មីៗ | 
តំណភ្ជាប់អចិន្ត្រៃ
បានដាក់ប្រកាស ដោយ RAsmey
ឈីងចាំង ឬឈីនូឈីកិ ឈ្មោះក្មេងខិលម្នាក់ ដែលជាតួរអង្គក្នុងរឿងតុក្កតាជប៉ុន ដែលដណ្តើមបានការពេញនិយមបំផុតក្នុងចំនោមកុមារតូចៗរហូតដល់ចាស់។ រឿងនេះត្រូវបាននាំមកជូនដោយស្ថានីយ៍ទូរទស្សន៍ភ្នំពេញបុស្តិ៍លេខ៣។ បើតាមខ្ញុំចាំគឺតាំងពីខ្ញុំនៅរៀនថ្នាក់ទី៥-៦ ឯណោះគឺអំឡុងឆ្នាំ ២០០១។
រហូតមកដល់ពេលនេះជិត១០ឆ្នាំទៅហើយឈីងចាំង នៅតែត្រូវបានមនុស្សជាច្រើនលើកមកនិយាយដើម្បី ធ្វើឲ្យបរិយាកាសសប្បាយរីករាយមិនចេះជិតណាយ។ មិនតែប៉ុណ្ណោះឈីងចាំងកំពុងទទួលបានការពេញនិយមបំផុតក្នុងចំនោមអ្នកប្រើប្រាស់ Bluetoot ក្នុងការបាញ់ចែកគ្នា!
ទំលាក់ មួយវិចារ » | 
ចំណាប់អារម្មណ៍ | 
តំណភ្ជាប់អចិន្ត្រៃ
បានដាក់ប្រកាស ដោយ RAsmey
បងប្អូនដែលចូលមកមើលទំព័រនេះប្រហែលជាជ្រាបហើយពីន័យរបស់ពាក្យថា Update ក្នុងភាសាអង់គ្លេស!
សំរាប់ភាសាខ្មែរហាក់មិនសូវជាប្រើពាក្យនេះប៉ុន្មាននោះទេ! តែយើងនឹងបានឃើញពាក្យនេះជាច្រើននៅលើវិស័យ
បច្ចេកវិទ្យា ព្រោះជាវិស័យមួយដែលវិវឌ្ឍន៏ឥតឈប់ឈរក្នុងល្បើនយ៉ាងលឿន! ពាក្យថា Update ឃើញថាបានប្រើប្រាស់ជាញឹកញាប់!
ចំពោះភាសាខ្មែរវិញ វាហាក់ដូចជាពាក្យថ្មី តែវាបែបជាមិនជាថ្មី! តែខ្ញុំបានសង្កេតឃើញជាទូទៅ គេនិយមឲ្យនិយមន័យពីរសំរាប់ពាក្យថា Update
ក្នុងភាសាខ្មែរថា «បន្ទាន់សម័យ» (ឬធ្វើឲ្យទាន់សម័យ) និងពាក្យថា«បច្ចុប្បន្នភាព»។ ពាក្យទាំងពីរនេះពិតណាស់វាមានន័យដូចគ្នាទាំងស្រុង! តែនៅពេលប្រើប្រាស់វិញគឺខុសគ្នាទៅតាមស្ថាប័ន មិនដឹងថាមកពីអ្វីឲ្យពិតប្រាកដ!
សំរាប់ពាក្រថា«បន្ទាន់សម័យ» ជាពាក្យដែលគេស្គាល់ជាទូទៅ សំរាប់អ្នកដែលប្រើប្រាស់បច្ចេកវិទ្យា ព័ត៌មានវិទ្យា ចំនែកពាក្យថា «បច្ចុប្បន្នភាព» ជាពាក្យដែលស្ថាប័នរដ្ឋាភិបាលប្រើនៅក្នុងរបាយការណ៌ និងឯកសារផ្លូវការនានា។ ផ្អែកទៅតាមវចនានុក្រមសម្ដេចព្រះសង្ឃរាជ ជួន ណាត
ពាក្យថា «បច្ចុប្បន្ន»គឺចេញមកពី សំ. អានថា ប្រត្យុត្បន្ន មានន័យថា៖ ពេលដែលកំពុងតែមាននៅចំពោះមុខ គឺពេលឥឡូវនេះ ។ រួចបើយើងបូកជាមួយ «ភាព» ដែលមានន័យថាភាវៈឬបែបបទនោះ ពាក្យថា បច្ចុប្បន្នភាព មានន័យត្រូវគ្នានឹងពាក្យថា update ក្នុងភាសាអង់គ្លេសដែរ! ហើយអត្ថន័យនៃពាក្យនេះ ក៏ត្រូវនឹងន័យចំ ងាយស្តាប់នោះគឺ បន្ទាន់សម័យ ហើយក៏អាចនិយាយបានថាពាក្យ «បន្ទាន់សម័យ»ជាន័យបកមកពីពាក្យ update ក្នុងភាសាអង់គ្លេសសុទ្ធសាធផងដែរ។
មិនខុសពីពាក្យថា «បឋកថា» និងពាក្រ «បទបង្ហាញ ឬការបង្ហាញ» ដែលមានន័យថា Presentation ក្នុងភាសាអង់គ្លេស!
2 វិចារ | ពាក្យសំខាន់ៗ | តំណភ្ជាប់អចិន្ត្រៃ
បានដាក់ប្រកាស ដោយ RAsmey
ខ្ញុំទើបតែបានលឺប្រសាសន៌របស់សម្ដេចតេជោពីថ្ញៃមិញនេះ! ស្តាប់ទៅឈឺចិត្តមែនទែនអាសៀមនេះវាមើលងាយជាលក្ខណៈជាតិសាសន៌តា៎នែក!
នេះសម្តីចេញពីមាត់របស់រដ្ឋមន្ត្រីការបទេសផងប៉ុណ្ណឹង ហៅថ្នាក់ដឹងនាំប្រទេសជាជិតខាងសុទ្ធតែអ្នកលេង លោកអើយពួកអានេះ លេងកែពាក្យវិញលើសដើម
សុភាពបុរសចិត្តជាអ្នកលេង! ស្តាប់ទៅពិបាកត្រចៀកណាស៎ខ្ញុំ។ បែបពួកអានេះចង់លេងជាមួយខ្មែរខ្លាំងណាស់ហើយមើលទៅអស់ពី អាអាវលឿងយកព្រះវិហារ ឥឡូវអាអាវក្រហមយក ថ្នាក់ដឹកនាំឯងម្តង! ល្បែងហ្នឹងកាលណាចប់ណ៎!
3 វិចារ | ចំណាប់អារម្មណ៍ | តំណភ្ជាប់អចិន្ត្រៃ
បានដាក់ប្រកាស ដោយ RAsmey
លោក នាយករដ្ឋមន្ត្រី ហ៊ុន សែន នៅថ្ងៃ៣១ មីនានេះ បានបញ្ចេញប្រតិកម្មដដែលជុំវិញមតិនានាដែលចង់ឲ្យមានការស៊ើប អង្កេតរកចាប់ជនសង្ស័យបន្ថែមទៀតពាក់ព័ន្ធនឹងការសម្លាប់មនុស្ស ក្នុងរបបខ្មែរក្រហម។
លោកនាយករដ្ឋមន្ត្រីបានថ្លែងក្នុងខេត្តព្រះសីហនុនៅថ្ងៃដែលមានការ កាត់ទោសអតីតមេគុកទួលស្លែង កាំង ហ្កិចអ៊ាវ ហៅ ឌុច យ៉ាងដូច្នេះថា ៖ «គេ បានដើរបំផុសថាគេនឹងកាត់ទោសរហូតទៅដល់បងប្អូនទាំងនោះទៀតផង គឺថ្នាក់កងពលថ្នាក់អី ខ្ញុំសូមប្រាប់ឲ្យហើយ ខ្ញុំសុខចិត្តឲ្យតុលាការនេះបរាជ័យ តែខ្ញុំមិនអនុញ្ញាតឲ្យប្រទេសកម្ពុជាកើតសង្គ្រាមឡើងវិញនោះទេ។ នេះជាជំហរដាច់ខាត អ៊ីចឹងកាត់ប៉ុន្មាននាក់ហ្នឹងទៅ។ ខ្ញុំសូមបងប្អូននៅក្នុងតំបន់ទាំងឡាយ ដែលកំពុងកាន់កងពល ឬភូមិភាគ ឬវរសេនាតូច វរសេនាធំគ្រប់កងកម្លាំងទាំងអស់ កុំមានការចាញ់បោកឃោសនាពួកអគតិ»៕
ដកស្រង់ចេញពីគេហទំព័រ វិទ្យុអាស៊ីសេរី
ផ្សាយថ្ងៃទី០១ ខែមិនា ឆ្នាំ២០០៩
ដោយ៖ ម៉ាយ៉ារិទ្ធិ
ទំលាក់ មួយវិចារ » | ព័ត៌មានថ្មីៗ | តំណភ្ជាប់អចិន្ត្រៃ
បានដាក់ប្រកាស ដោយ RAsmey
<!– @page { size: 8.5in 11in; margin: 0.79in } P { margin-bottom: 0.08in } –>មេ បញ្ជាការកងទ័ពខ្មែរបានឲ្យដឹងថា ទាហានទាំងអស់ដែលប្រចាំការតាមព្រំប្រទល់ខ្មែរថៃនៅតំបន់ព្រះវិហារ បានប្រុងប្រៀបរួចជាស្រេចក្នុងការធ្វើសកម្មភាពប្រឆាំងនឹងការរំលោភ ឈ្លានពានពីសំណាក់ទាហានថៃ។
ការត្រៀមកម្លាំងប្រុងប្រៀបវាយប្រហារគឺនៅគ្រាដែលមានប្រសាសន៍ពី លោកនាយករដ្ឋមន្ត្រី ហ៊ុន សែន កាលពីម្សិលមិញដែលបញ្ជាឲ្យធ្វើការវាយប្រហារបើសិនជាទាហានថៃបន្ត ការរំលោភលើអធិបតេយ្យភាពជាតិ។
លោកនាយករដ្ឋមន្ត្រីបានមានប្រសាសន៍ថា ៖ «អ្ហែងចូលដីគេមិនឲ្យគេវ៉ៃ អ្ហែងចូលមកទៀតវ៉ៃទៀត ប្រាប់ឲ្យហើយ អានេះអ្នកមែន មិនមែនអ្នកលេងទេ»។
ប្រសាសន៍ចេញបញ្ជាគឺនៅក្រោយសេចក្ដីរាយការណ៍ជាបន្តបន្ទាប់ពី ទាហានខ្មែរដែលបង្ហាញថា ទាហានថៃនៅតែបន្តការចូលរំលោភលើអធិបតេយ្យភាពជាតិខ្មែរនៅក្នុង តំបន់ប្រាសាទព្រះវិហារ។
លោកនាយករដ្ឋមន្ត្រីបានបញ្ជាក់ថា ៖ «ហើយទ័ពនៅទល់ដែនបាន បញ្ជ្រាបបញ្ជារួចហើយ។ ថ្ងៃមុនចូលមកវាលឥន្ទ្រីទៀត ខ្ញុំប្រាប់ ប៉ុល សារឿន ហើយប្រាប់ទៅ យឹម ពឹម ផ្ទាល់ ពឹមឯងស្គាល់កន្លែងហើយឬនៅត្រឹមណាវ៉ៃ អត់មានសួរយោបល់ទេ អាហ្នឹងអ្នកមែនតើ! អានេះនិយាយសារមួយយ៉ាងច្បាស់ជូនត្រឡប់ទៅវិញ។ សុភាពបុរសចិត្តជាអ្នកជាលេង ខ្ញុំនៅចន្លោះទាំងពីរហ្នឹង មិនមែនសុភាពបុរសហើយក៏មិនមែនអ្នកលេង តែគឺអ្នកមែន និងជាមេដឹកនាំកម្ពុជាដ៏ពិតប្រាកដមួយដែលចេញពីឆន្ទៈរបស់រាស្ត្រ មិនមែនប្លន់អំណាចទេ»។
ការ ចេញបញ្ជានោះទៀតគឺនៅក្រោយដែលមានសេចក្ដីរាយការណ៍ចុងក្រោយ មកថា មានទាហានថៃប្រមាណ១០០នាក់កាលពីថ្ងៃទី២៦ ខែមីនា បានចូលមកក្នុងតំបន់វាលឥន្ទ្រីនិងតំបន់សំបុកឃ្មុំក្នុងទឹកដី តំបន់បរិវេណប្រាសាទព្រះវិហារខ្មែរ។
មេបញ្ជាការកងពលធំលេខ៣ លោកឧត្ដមសេនីយ៍ទោ ស្រី ឌឹក ដែលគ្រប់គ្រងកងកម្លាំងទាហានខ្មែរទាំងអស់នៅតំបន់ប្រាសាទព្រះវិហារ បានមានប្រសាសន៍បញ្ជាក់នៅថ្ងៃនេះថា កងកម្លាំងទាហានខ្មែរទាំងអស់បានត្រៀមអនុវត្តតាមបញ្ជាហើយ។
លោកឧត្ដមសេនីយ៍ទោ ស្រី ឌឹក បានឲ្យដឹងថា ៖ «និយាយរួមគាត់ចេញ បទបញ្ជារួចហើយ យើងមិនទៅរំលោភគេសូម្បីតែ១មិល្លីម៉ែត្រក៏យើងអត់ទៅ ហើយ១មិល្លីម៉ែត្រក៏យើងមិនអនុញ្ញាតឲ្យគេមកដែរ…»។
រហូតមកទល់នឹងម៉ោងប្រមាណ៥ល្ងាចថ្ងៃទី១ ខែមេសា លោកឧត្ដមសេនីយ៍ទោ ស្រី ឌឹក បានមានប្រសាសន៍ថា ស្ថានការណ៍នៅតាមព្រំប្រទល់មានសភាពស្ងៀមស្ងាត់និងមិនមានសេចក្ដី រាយការណ៍អំពីការរំលោភណាមួយទៀតឡើយពីសំណាក់ទាហានថៃ៕
ដកស្រង់ចេញពីគេហទំព័រ វិទ្យុអាស៊ីសេរី
ដាក់ផ្សាយថ្ងៃទី ០១ ខែមិនា ឆ្នាំ២០០៩
ដោយ៖ ម៉ាយ៉ារិទ្ធិ
ទំលាក់ មួយវិចារ » | ព័ត៌មានថ្មីៗ | តំណភ្ជាប់អចិន្ត្រៃ
បានដាក់ប្រកាស ដោយ RAsmey
ប្រជាពលរដ្ឋនៅឃុំស្រយង់ ស្រុកគូលេន ខេត្តព្រះវិហារ បានអះអាងថា ការកាប់បំផ្លាញព្រៃឈើរាប់រយហិកតារដើម្បីរុករានយកដីជាកម្មសិទ្ធិ ឯកជននៅជុំវិញតំបន់ពួកគេរស់នៅកំពុងកើតមានយ៉ាងសម្បើមដែលគ្មាន ការរារាំងគួរឲ្យព្រួយបារម្ភចំពោះការវិនាសហិនហោចព្រៃឈើនាពេល ឆាប់ៗ។
ក្រុមអ្នកភូមិស្រយង់ ឃុំស្រយង់ បានមានប្រសាសន៍កាលពីព្រឹកថ្ងៃច័ន្ទ ទី៣០ ខែមីនា ថា ព្រៃដែលមានដើមឈើធំៗលាតសន្ធឹងលើផ្ទៃដីប្រមាណ២០០ -៣០០ហិកតារ កំពុងត្រូវបានក្រុមមនុស្សចំណូលថ្មីមកពីទីផ្សេងៗនាំគ្នាកាប់ជា រៀងរាល់ថ្ងៃដើម្បីវាតទីយកដីធ្វើកម្មសិទ្ធិ ហើយដុតបំផ្លាញឈើទាំងនោះចោលគួរឲ្យស្តាយ។
ប្រជាពលរដ្ឋបាននិយាយទៀតថា ការកាប់ព្រៃដើម្បីយកដីធ្វើកម្មសិទ្ធិនោះមិនមានការរារាំងពី អាជ្ញាធរទេដោយគេចោទប្រកាន់ថាមានមេភូមិខ្លះនិងមេឃុំស្រយង់ផង ទាក់ទិននឹងការលក់ដីព្រៃនិងចុះហត្ថលេខាដើម្បីអនុញ្ញាតឲ្យអ្នក ចំណូលថ្មីមកតាំងទីលំនៅ ៖ «២០០ - ៣០០ហិកតារ វាកាប់ច្រើនណាស់។ ព្រៃជ្រៅកាប់ចោល រំលំចោលដុតឲ្យវាលទៅ។ ឈើស្ដាយដែរ វាអារម៉ាស៊ីនង៉ោងៗ»។
មេឃុំស្រយង់ លោក សាត់ ស៊ី មិនបានបដិសេធចោលចំពោះការដែលថា លោកបានចុះហត្ថលេខាជាបន្តបន្ទាប់នោះទេដោយលោកមានប្រសាសន៍ថា មានប្រជាពលរដ្ឋក្រីក្រមកពីទីផ្សេងទៅរស់នៅទីនោះ ដូច្នេះលោកទទួលស្គាល់ថាមានការកាប់បំផ្លាញព្រៃឈើខ្លះដើម្បីយកដី ហើយតួនាទីបង្រ្កាបការកាប់បំផ្លាញព្រៃឈើនោះមិនមែនឃុំទេគឺជា តួនាទីរបស់មន្ត្រីរដ្ឋបាលព្រៃឈើ។
លោក សាត់ ស៊ី បានមានប្រសាសន៍ថា ៖ «ប្រជាពលរដ្ឋអ្នកខ្វះខាតតែងតែមកហើយ មិនដឹងធ្វើម៉េចទេ បើយើងមិនចុះហត្ថលេខា យើងមានអ្វីដំណោះស្រាយឲ្យគេ»។
ទោះយ៉ាងណាមិនអាចស្វែងរកការជួបបំភ្លឺបានជុំវិញបញ្ហានេះពីមន្ត្រីរដ្ឋបាលព្រៃឈើប្រចាំតំបន់នោះបានទេ។
ចំណេកមន្ត្រីយោធានៃកងពលលេខ៤១ដែលមានតួនាទីបង្រ្កាបការបំផ្លាញ ព្រៃឈើក្នុងតំបន់នោះ លោក ឈិត សំអាត បានមានប្រសាសន៍ថា ស្ទើរតែជារៀងរាល់ថ្ងៃមានមនុស្សចំណូលថ្មីជាច្រើនមកពីខេត្ត មួយចំនួនដូចជាខេត្តកំពង់ធំ ខេត្តព្រៃវែង ស្វាយរៀង កំពង់ចាម តាកែវនិងខេត្តសៀមរាបជាដើមកំពុងចូលទៅតំបន់នោះដើម្បីកាប់បំផ្លាញ ព្រៃឈើយកដីជាកម្មសិទ្ធិដោយមានការលក់ដូរពីក្រុមអាជ្ញាធរ មូលដ្ឋានខ្លះ ហើយក្រុមរបស់លោកមិនអាចបង្រ្កាបបានទេដោយសារអ្នកបំផ្លាញមានគ្នា រាប់រយនាក់និងអ្នកបង្រ្កាបមានគ្នាតិច។
មន្ត្រីយោធាដដែលបានឲ្យដឹងថា តំបន់ព្រៃការពារនិងព្រៃជម្រកសត្វជាច្រើនរយហិកតារកំពុងទទួលរងការកាប់បំផ្លាញ ៖ «គេ កាប់ទន្រ្ទានព្រៃធ្វើស្រែធ្វើចម្ការ។ ឥឡូវហ្នឹងឈានដល់មួយប្លង់ ៣០ម៉ឺន មួយប្លង់ ១០០ដុល្លារ គេយកតែសំបុត្រមូលដ្ឋានមកបង្ហាញថាមូលដ្ឋានឲ្យធ្វើ។ នៅតំបន់ខ្នាតផ្អែកនេះមួយតំបន់ ហើយតំបន់អូររូង»។
សូមរំឭកថា កាលពីឆ្នាំ២០០៧អភិបាលរងខេត្តព្រះវិហារមួយរូបត្រូវបានចាប់ខ្លួន ទាក់ទិននិងការចោទប្រកាន់រឿងកាប់បំផ្លាញព្រៃឈើដើម្បីយកដីដូច គ្នានេះ ហើយប្រជាពលរដ្ឋ២នាក់និងកងទាហាន២នាក់ផ្សេងទៀតក៏ត្រូវបានចាប់ ខ្លួនបញ្ជូនទៅតុលាការពីបទកាប់បំផ្លាញព្រៃឈើដែនជម្រកសត្វព្រៃ គូលេនព្រហ្មទេពផងដែរ៕
ដកស្រង់ចេញពី គេហទំព័រ អាស៊ីសេរី
ផ្សាយថ្ងៃទី៖ ៣១ ខែមិនា ឆ្នាំ ២០០៩
ដោយលោក៖ សាវយុត
ទំលាក់ មួយវិចារ » | ព័ត៌មានថ្មីៗ | តំណភ្ជាប់អចិន្ត្រៃ
បានដាក់ប្រកាស ដោយ RAsmey
កាំង ហ្កិចអ៊ាវ ហៅ ឌុច ឈានមកដល់ថ្ងៃទីពីរនៃការជំនុំជម្រះក្តី បានប្រកាសទទួលស្គាល់កំហុសរបស់គាត់ដែលជាអ្នកទទួលខុសត្រូវលើការ សម្លាប់មនុស្សនៅមន្ទីរស -២១ ឬហៅថា គុកទួលស្លែង និងសុំទទូចឲ្យជនរងគ្រោះទាំងឡាយទទួលយកនូវពាក្យសុំទោសរបស់ គាត់។
ជាមួយគ្នានេះ អតីតមេគុកទួលស្លែង កាំង ហ្កិចអ៊ាវ ហៅ ឌុច បានអះអាងទៀតថា នយោបាយដែលនាំឲ្យមានការសម្លាប់រង្គាលមនុស្សជាប្រព័ន្ធនៅក្នុង របបខ្មែរក្រហម គឺបង្កើតឡើងដោយ ប៉ុល ពល ៖ «ក្រោយ១៧ មេសា ១៩៧៥ ប៉ុល ពត កើតចិត្តភ្លើតភ្លើនខ្លាំងណាស់ បានលើកមាគ៌ាដែលប៉ះពាល់ដល់អាយុជីវិតមនុស្ស សំខាន់គឺមានបក្ខជនរាប់ម៉ឺននាក់នៅក្នុងកណ្ដាប់ដៃគាត់ ឧក្រិដ្ឋកម្មជំនាន់នោះធំធេងណាស់»។
នេះជាលើកដំបូងហើយ ដែលអតីតមេគុកទួលស្លែង កាំង ហ្កិចអ៊ាវ ហៅ ឌុច បានថ្លែងជាសាធារណៈក្នុងអង្គសវនាការអំពីការដឹងឮនិងការចូលរួម របស់គាត់នៅក្នុងការអនុវត្តគោលនយោបាយ រួមទាំងការសម្លាប់មនុស្សក្នុងរបបខ្មែរក្រហមកាលពី៣០ឆ្នាំមុន។
ជាមួយគ្នានឹងការថ្លែងរំឭកអំពីវិប្បដិសារីនិងការសោកស្តាយ ឌុច ក៏បានថ្លែងសុំទោសដល់ជនរងគ្រោះយ៉ាងដូច្នេះទៀតថា ៖ «ពេល នេះ ខ្ញុំសូមអស់លោកទាំងនោះ លោកមេត្តាទទួលដឹងឮថា ខ្ញុំចង់សូមទោស ខ្ញុំលោកមេត្តាយកបំណងនេះទៅពិចារណា។ ខ្ញុំពិតជាមិនទាន់ទាមទារសុំឲ្យលោកអត់ទោសឲ្យខ្ញុំនៅពេលឥឡូវ នេះទេ ខ្ញុំដឹងហើយថា ឧក្រិដ្ឋកម្មរបស់ខ្ញុំទៅលើជីវិតមនុស្ស ជាពិសេសទៅលើជីវិតស្ត្រីនិងកុមារ ជាឧក្រិដ្ឋកម្មធ្ងន់ធ្ងរមិនអាចអត់ឱនឲ្យបាននោះទេ។ សំណូមពរបច្ចុប្បន្ននេះរបស់ខ្ញុំ គឺសូមមេត្តាអស់លោកៗមេត្តាទុកទ្វារចូលសុំទោសឲ្យនៅចំហ»។
នៅក្នុងគុកទួលស្លែងនាអំឡុងរបបខ្មែរក្រហម មានមនុស្សប្រមាណ១ម៉ឺន៦ពាន់នាក់ ត្រូវបានសម្លាប់ ហើយមានជនរងគ្រោះជាង១០នាក់ដែលមានសំណាងរួចផុតពីការសម្លាប់ រង្គាលនាពេលនោះ។
ជនរងគ្រោះម្នាក់នៅគុកទួលស្លែង គឺលោក ប៊ូ ម៉េង ថ្លែងថា លោកនៅមិនទាន់អាចអត់ឱនទោសឲ្យ ឌុច បាននៅឡើយទេ ៖ «ខ្ញុំ មិនអាចអត់ឱនឲ្យបានទេ ពីព្រោះនេះមិនមែនជារឿងជេរគ្នាទៅវិញទៅមក អត់ទោសឲ្យគ្នាបានឯណា នេះវាជារឿងឧក្រិដ្ឋកម្ម ពីព្រោះអ្នកដែលស្លាប់ប្រពន្ធ អ្នកដែលស្លាប់ប្ដី ស្លាប់កូន ស្លាប់ចៅ ស្លាប់ពូមាមីងទាំងអស់ គេម៉េចនឹងសុខចិត្ត»។
ចំណែកឯមេធាវីរបស់ ឌុច គឺលោក កា សាវុធ បានថ្លែងការពារថា ទោះបីជាកូនក្តីរបស់លោកទទួលស្គាល់កំហុសក៏ដោយ ក៏ប៉ុន្តែ ការចាប់ ឌុច មកកាត់ទោសតែម្នាក់ឯងគឺមិនយុត្តិធម៌ឡើយ។ លោក កា សាវុធ អះអាងថា មានមេគុកជិត ២០០នាក់ទៀត ដែលមានការទទួលខុសត្រូវដូច ឌុច នោះដែរ ៖ «ដែលខ្ញុំទាមទារនេះ គឺមិនមែនទាមទារឲ្យយកមេគុកទាំង ១៩៥មកកាត់ទោសនោះទេ គឺខ្ញុំទាមទារពិចារណារកហេតុផលប្រៀបធៀប ដើម្បីធ្វើយ៉ាងណាឲ្យ តា ឌុច រួចខ្លួនដូចមេគុក ១៩៥នាក់នោះដែរ»។
ទោះបីយ៉ាងណា ការកាត់ក្តីលើករណី ឌុច ត្រូវតុលាការប្រកាសបន្តធ្វើនៅថ្ងៃពុធ ទី១ ខែមេសា បន្តទៀត៕
ដកស្រង់ចេញពី គេហទំព័រ អាស៊ីសេរី
ផ្សាយថ្ងៃទី៖ ៣១ ខែមិនា ឆ្នាំ ២០០៩
ដោយលោក៖ ហ៊ុយ វណ្ណៈ
ទំលាក់ មួយវិចារ » | ព័ត៌មានថ្មីៗ | តំណភ្ជាប់អចិន្ត្រៃ
បានដាក់ប្រកាស ដោយ RAsmey
អ្នកប្រវត្តិវិទូជឿថាប្រទេសកម្ពុជាបានចាប់ផ្ដើមបើកទំព័រប្រវត្តិសាស្ត្ររបស់ខ្លួនជាផ្លូវការនៅដើមសតវត្សរ៍ទី១នៃគ្រិស្តសករាជដែលធ្វើឲ្យប្រទេសនេះជាប្រទេសចំណាស់ជាងគេនៅក្នុងតំបន់ភូមិភាគអាស៊ីអាគ្នេយ៍។ ការចាប់ផ្ដើមទំព័រប្រវត្តិសាស្ត្រនេះបានផ្ដល់ឱកាសឲ្យយើងជាកូនចៅជំនាន់ក្រោយបានដឹងពីបទដ្ឋាននៃការរស់នៅរបស់ប្រជាជនកម្ពុជា ស្ថានភាពនយោបាយ និងរចនាសម្ព័ន្ធសង្គមបានយ៉ាងប្រសើរ។ សូមអនុញ្ញាតឲ្យខ្ញុំសួរសំនួរមួយទៅកាន់អ្នក។ តើអ្នកធ្លាប់ធ្វើជាតំណាងស្ដេចដំបូងរបស់កម្ពុជាដែលឬទេ? រឿងនិទានមួយបានតំណាលថា មានបុត្រីស្ដេចនាគមួយអង្គ ព្រះនាម នាងនាគ។ ព្រះនាង តែងតែយាងមកកម្សាន្តនៅលើកោះមួយដែលមានដើមធ្លកមួយដើមដុះនៅលើកោះនោះ។ ចៃដន្យពេលព្រះនាងយាងមកលេងដូចសព្វមួយដងព្រះនាងក៏ពើតប្រទះនឹងបុត្រាមួយព្រះអង្គព្រះនាម ព្រះថោង យាងមកពីប្រទេសចម្ងាយ ពួកគេក៏បានប្រទាក់ចិត្តនឹងគ្នាទៅវិញទៅមក។ ដើម្បីរស់នៅជាមួយគ្នាបានបុត្រីស្ដេចនាគក៏ថ្វាយយោបល់ទៅព្រះថោងថា សូមព្រះអង្គតោងកន្ទុយរបស់ទូលព្រះបង្គំឲ្យជាប់ ទួលព្រះបង្គំនឹងយាងព្រះអង្គទៅគាល់ព្រះមាតា និងបិតាដែលគង់នៅឋានភុជង្គនាគ(ឋានស្ថិតនៅក្រោមបាតសមុទ្រ គេអាចហៅម្យ៉ាងទៀតថា ឋានបដា)។ ក្រោយពេលដែលព្រះអង្គទាំងពីរបានទូលថ្វាយនូវព្រះរាជបំណងហើយ ព្រះមាតា និងបិតារបស់ព្រះអង្គដែលជាស្ដេចនាគក៏សព្វព្រះរាជហរទ័យទៅតាមបុត្រទាំងពីរ តែប្រការដែលសំខាន់ និងពិបាកនោះគឺ ព្រះរាជបុត្រីត្រូវលះខ្លួនដែលជានាគមកជាមនុស្សាធម្មតាដូចព្រះថោងដែរ ហើយចាប់ពីថ្ងៃដែលព្រះនាងលះភាពជានាគនោះព្រះនាងគឺមិនអាចខ្លាចជានាគវិញជារៀងរហូត។ នេះគឺជាអ្វីដែលព្រះនាងនាគត្រូវលះបង់។ តែទោះជាយ៉ាងណាព្រះនាងគោរពទៅតាមការសម្រេចព្រះទ័យរបស់ព្រះនាងនិងព្រះថោងដែលព្រមព្រៀងគ្នារួចមកហើយមុនពេលយាងមកដល់និងដឹងរឿងរ៉ាវទាំងនេះ។ បន្ទាប់ពីព្រះសន្តាបការសម្រេចព្រះទ័យរបស់ព្រះនាងនាគរួចមក ស្ដេចនាគក៏ព្រះរាជតម្រិះរៀបអភិសេករវាងព្រះនាងនាគជាបុត្រីបង្កើតថ្វាយព្រះថោង និងបានបូមទឹកសមុទ្រជុំវិញកោះដែលមានដើមធ្លកនោះឲ្យក្លាយទៅជានគរមួយទុកជាចំណងដៃសម្រាប់បុត្រទាំងពីរធ្វើការគ្រប់គ្រង។ ព្រះអង្គទាំងពីរបានសព្វព្រះរាជហរទ័យដាក់ឈ្មោះនគរនោះថា «នគរគោកធ្លក»។
អត្ថបទដោយ៖ គាំ ច័ន្ទរស្មី
សំនួរ៖ តើព្រះនាងនាគពិតជាបំភ្លេចភាពជានាគរាជរបស់ព្រះនាងបានឬយ៉ាងណា?ហេតុអ្វីអ្នកយល់ដូចនេះ?
សូមធ្វើការពិភាក្សាជាមួយគ្នានៅទីនេះ!
ការពិភាក្សានឹងបិទទៅវិញនៅមួយខែបន្ទាប់ពីថ្ងៃដាក់ផ្សាយ។ បន្ទាប់មកយើងនឹងដាក់ផ្សាយសេចក្តីសង្ខេបចុងក្រោយនៃមតិយោបល់របស់លោកអ្នក!
សូមអរគុណសម្រាប់ការចូលរួមរបស់លោកអ្នក!
2 វិចារ | ពង្សាវតារខ្មែរ | តំណភ្ជាប់អចិន្ត្រៃ
បានដាក់ប្រកាស ដោយ RAsmey
 | Migel ក្រប |
 | RAsmey ទៅសាលាទៅតែថតរូប |
 | Sopheak ក្រប |
 | Lita ទៅសាលាទៅតែថតរូប |
| RAsmey ក្រប |
| RAsmey ក្រប |
 | Thai Cute girl ក្រប |
| RAsmey ក្រប |
 | Food and Drink ក្រប |
 | Best 4 u ក្រប |
|
